أحلى شباب ترصد منتديات طلاب اليرموك ... الطلاب: الحريق سببه سيجارة

أحلى شباب - خاص

يقول العضو (أسرع واحد بالحارة) من منتديات طلاب اليرموك:-

مساء الخير لكل الاعضاء

من الاخر... اليوم كان في حريق في مبنى كلية الحجاوي الساعة 9 وشوي
وانا كنت في الكلية تقريبا بس ما عرفت شو السبب وبحكي الحمد لله على السلامة للجميع

اللي بيعرف شو السبب يحكيلنا . .؟

ومن بين الردود التي وردت على الخبر السابق يرد العضو (black tiger):-

أنا سمعت انه الحريق بسبب سيجارة كانت ملقاة في احد الحمامات المخصصة لاعضاء هيئة التدريس

العضو (أبو مهنا) يقول:

اليوم 21/12حصلت حادثه صارت في مبنى الحجاوي بس المشكله ما بعرف شو صار بالزبط أنا شفت في إطفائيتين وسيارتين إسعاف قلت أبصر شو في؟؟؟؟؟ أتمنى أي واحد بعرف عن الحادث بالزبط يقلنا ويمكن مهندسنا يفيدنا أكثر واحد وطلاب الحجاوي
في ناس بتقول ولعت الكليه

العضو (بيسان) يقول:-

تقريبا على الساعة 4 سمعنا صوت سيارات اسعاف بالجامعة كنا في قاعة الامتحان
اللهم اعلم ,,,,,
ان شاء الله انه يكون موضوع بسيط جدا وما يكون حدا انضر او تأذى
الله يكتب للجميع الخير والسلامة

العضو (رورو) تقول:-

اي ساعة 4؟؟؟يابيسان؟؟؟
الساعة 9 ونص تقريبا ...صار حريق في مختبر في الطابق التاني مختبر للقوة الكهربائية وعلى حد علمي انه ماصار شي لاي حدا...........ومابعرف اذا رجع صار اشي جديد بعد هالساعة
يعني اذا مو ماخدين احتياطاتهم؟؟؟؟احنا شو بضمنلنا ماتنعاد مرة تانية؟؟؟؟؟؟؟؟؟

ونحن في منتدى (أحلى شباب) مستمرون برصد ما حدث بالفعل في كلية حجاوي في جامعة اليرموك بكافة الوسائل التي قد توصلنا إلى أي معلومات حول حقيقة ما حصل بالفعل. فانتظرونا